“Live Mentors” komandasının missiyası stomatologiyanın inkişafı üçün konfrans və seminarların təşkili və əldə edilən gəlirlərin xeyriyyə məqsədi üçün xərclənməsi ilə həyat xilas etməkdir. Bunun üçün də ölkə və dünya səviyyəsində tanınmış ən məşhur diş həkim və texniklərinin seminar və təlimlərini təşkil edirik. Məruzəçilərin könüllü iştirakı, təmənnasız texniki dəstək verən şirkətin olması və digər sponsorlar sayəsində konfrans xərclərinin minimum olması bizə xeyriyyə məqsədli daha böyük gəlir əldə etmək imkanı yaradır. Konfransa qoşulmaqla həm ən yaxşı spikerləri dinləmiş olacaq, həm də bir həyat xilas etmiş olacaqsınız. Gəlin birlikdə həyat xilas edək!
Konfransa Qoşul
we save lives
0
Ay
0
Gün
0
Saat
Rafael Paşayev
Konfrans rəhbəri
tədbirlər
Stomatoloji xeyriyyə konfransı ənənəmiz hər il davam edir
II Stomatoloji Xeyriyyə Konfransı Okluzial Stomatologiya
17 iyun 2023, Bakı
I Stomatoloji Xeyriyyə Konfransı Funksional Estetika
12 İyun 2022, Bakı
Gadzhy Dazaevin seminarı Ortopedik müalicənin planlanması
18 iyun 2023, Bakı
Mentorlar
Stomatologiyanın peşəkarları bizimlədirlər
Hesabat
Onların həyatının xilas edilməsi üçün bu yolda irəliləyirik
Ağa Baxşıyev
8 yaş- Konfransdan toplanan maddi vəsait hesabına tibbi dəstək göstərdiyimiz azyaşlı dostlarımızdan biri də Ağa Baxşiyev Zaur oğludur.
- Ailəsinin bizə müraciətindən sonra Ağanın ürəkgetmə, hərəkət məhdudluğu kimi şikayətlərinin səbəbinin öyrənilməsindən ötrü diaqnozunun müəyyən edilməsi məqsədi ilə WES analizi (ekzom sekanslama) üçün 1500 AZN məbləğində büdcə ayrılmışdır.
- Kiçik dostumuz Ağaya müvafiq analizdən sonra autoimmun revmatoid xəstəlik vaskulit diaqnozu qoyulmuşdur. Hazırda Ağanın müalicə prosesi davam edir və biz də müalicənin davam etməsi üçün lazımi dəstəyi göstərməyə davam edirik.
- Ailədə irsi xəstəliklərin olmasını nəzərə alaraq, həmçinin baş ağrısı, allergiya, immunitet zəifliyi, ayaqlarda ağrılar və tutulma, əsəb gərginliyi kimi simptomların müşahidə olunması səbəbindən həkim göstərişi ilə Ağanın bacısı 10 yaşlı Aynur Baxşiyeva və qardaşı 1 yaşlı Ayxan Baxşiyevdə autoimmun revmatoid vaskulit xəstəliyinin olub-olmamasını yoxlamaqdan ötrü ailə üzvlərinin qan örnəklərinin tutuşdurulması üçün müvafiq analizlər vermişlər.
Sənədlər
Əlizaman Qocayev
7 yaş- Əlizaman balamızın Türkiyənin “LİV” xəstəxanasında Prof. Dr. İlhan Elmacı tərəfindən indirekt revaskülarizasyon əməliyyatının uğurlu keçdiyi məlumatını sizinlə bölüşmək istəyirik.
- Əlizamanın anası Arzu xanımın əməliyyatın baş tutmasında, məbləğin toplanmasında əməyi olan və konfransda iştirak edən hər kəsə təşəkkürü var.
- Artıq Əlizaman Azərbaycana-evinə geri dönmüşdür. Səhhətində ümumilikdə hər şey qaydasındadır və ailəsi ilə birlikdədir.
- Vəd verdiyimiz kimi “I Stomatoloji Xeyriyyə konfransı”-dan toplanan gəlirin ehtiyaclı ailələrin övladlarının sağlamlıqlarına qovuşması istiqamətində həyata keçirdiyimiz 1 layihənin başa çatdığını sevinc və Uca Allaha minnətdarlıq hissi ilə elan edirik.
- Qeyd edək ki, Əlizamanın moyamoya xəstəliyindən qurtulmağı üçün indirekt revaskülarizasyon əməliyyatının keçirilməsini əhatə edən layihəmiz başladıqdan bitdiyi tarixə qədər xərcləri:
- Aviabilet xərcləri – 1535 AZN;
- Cərrahi əməliyyatın həyata keçirilməsi üçün ödəniş -$ 15000 ekvivalentində 25537.50 AZN;
- Digər xəstəxana xərcləri – $3278 ekvivalentində 5580.795 AZN;
- Qonaqlama (otel) xərcləri – $1200 ekvivalentində 2043 AZN;
- Dərman xərcləri – 3464 TL ekvivalentində 325.616 AZN və 10.60 AZN olmaqla cəmi 336.216 AZN;
- Ərzaq və digər gündəlik tələbat malları xərcləri – 3587.54 TL ekvivalentində 337.2287 AZN
- Əməliyyat sonrası digər tibbi xərclərin qarşılanmağı üçün – $451 ekvivalentində 767,82 AZN olmaqla, ümumilikdə 36137.55 AZN təşkil etmişdir.
Əbilzadə Həsən
12 yaş- 12 yaşlı Əbilzadə Həsən Anar oğlu Hidrosefaliya, birtərəfli hipooarez, septomatik epilepsiya xəstəliyindən əziyyət çəkir.
- Azyaşlı dostumuz Həsənin ailəsi bizə hidrosefaliya xəstəliyi ilə mübarizə aparmasından ötrü beyində normadan artıq toplanan “onurğa beyni mayesinin” həcminin tənzimlənməsinə tibbi müdaxilə üçün lazım olan “pumpa şunt” aparatının alınması ilə bağlı müraciət etmişdir.
- Bu mayenin miqdarının artması baş içindəki təzyiqin yüksəlməsinə və beynin zərər görməsinə səbəb olur.
- Həsənin müalicəsi ilə bağlı ailənin müraciəti qeydə alınmış və azyaşlı dostumuzun 5 il ərzində istifadə edə biləcəyi bu aparatın alınmağından ötrü konfrans büdcəsindən 2043 AZN (1200 dollar) dəyərində məbləğ ayrılmışdır.
- Balaca dostumuza Allahdan şəfa diləyirik
Sənədlər
Rüqəyya Orucova
5 aylıq- Rüqəyyə balamızın anadangəlmə görmə qüsuru ilə bağlı ailəsinin bizə müraciət etdiyi vaxtda o, cəmi 5 aylıq idi.
- Müayinələr zamanı məlum olmuşdur ki, Vitreoretinal Limbal Lensektomi-Vitrektomi cərrahi əməliyyatı ilə körpə balamızın görmə qabliyyəti bərpa ola bilər.
- Ailənin bizə müraciətindən sonra ən qısa zamanda əməliyyatın reallaşmağı üçün ailə qardaş ölkə Türkiyəyə yola salınmışdır.
- Körpə balamızın görmə qabliyyətinin bərpa olması üçün yeganə yol olan bu cərrahi əməliyyata lazm olan 5000,00 AZN dəyərində məbləğ konfrans büdcəsindən ayrılmışdır.
- Sözügedən cərrahi əməliyyat Türkiyyənin Qazi Üniversiteti nəzdində fəaliyyət göstərən “Sağlık Araştırma ve Uyğulama Merkezi”-də baş tutmuşdur.
- Uca Allahın köməyi ilə əməliyyat uğurlu keçmişdir. Körpə Rüqəyyəyə Allahdan şəfa diləyirik.
Sənədlər
Yusif Turabov
9 yaş- Autoimmun ensefalit xəstəliyindən əziyyət çəkən 9 yaşlı Yusif Turabova təyin olunmuş müalicə üçün 9 yaşlı dostumuz Yusifin huşun pozulması, tələffüzün pozulması kimi şikayətləri ilə ailəsi həkimə müraciət etmişdir.
- Həkim müayinəsindən sonra Yusifə autoimmun ensefalt diaqnozu qoyulmuşdur.
- Həkim reseptinə əsasən “panzyga” və “mabthera” dərmanlarının alınmasından ötrü, ailəsinin bizə müraciətindən sonra konfrans büdcəsindən 7420 AZN, nəqliyyat xərci üçün isə 20 AZN-i ayrılmışdır.
- Balaca dostumuza Allahdan şəfa diləyirik.
Sənədlər
Ümid Ağazadə
10 yaş- “Dayaq” və Ümidin hekayəsi illər əvvəl başladı. Ümid balamızın ailəsi bizə müraciət edəndə Ümid anadangəlmə çənə qüsuru ilə bağlı nəfəs almaqda çətinlik çəkir və gecə boğulmaları olurdu.
- Belədə, uzun sürən bu yola başladıq.
- Ümidin uğurlu keçən iki cərrahi əməliyyat ilə onun anadangəlmə üz-çənə qüsuru aradan qaldırıldı və nəfəs alma ilə həyati problemi həll edildi.
- Ümidin anası Zülfiyyə xanımın əməliyyatın baş tutmağından ötrü lazım olan məbləğin toplanmasına yardım edən hər kəsə, cərrahi əməliyyatı təmənnasız həyata keçirən həkimlərə, bir ana kimi təşəkkür etdi.
- Biz də öz adımızdan təşəkkür edirik:
- Təklifimizi qəbul edib Azərbaycana gələrək Ümidin iki uğurlu cərrahi əməliyyatını həyata keçirdiyinə görə Türkiyənin Gazi universitetinin Diş həkimliyi fakültəsinin professoru Dr.Mustafa Sancara;
- Öznün də dediyi kimi, onun üçün ən böyük sevinc kiçik dostunun xoşbəxtliy idi;
- Əməliyyatın bütün klinik texniki təşkilatçılığını həyata keçirməklə əməliyyatda da birbaşa iştirak edən Vüqar Qurbanova fədakar və təmənnasız əməklərinə görə;
- Əməliyyatda iştiraklarına və göstərdikləri dəstəyə görə Rəşad Məmmədzadəyə və Elnur Abdullayevə;
- Həmişə olduğu kimi bizə dəstəyini əsirgəməyən “Estetik Diş” Stomatoloji və Dental Diaqnostik Mərkəzi“ nə “2D” və “3D rentgen müayinəsini təmənnasız təqdim etdiyinə görə.
Sənədlər
Tərəfdaşlar
“Konfransa qatılıb həm biliklərimizi artırırıq, həm də kömək etmiş oluruq. Bu şəraiti yaratdığı üçün Rafael Paşayevə çox təşəkkür edirəm. Bu günkü konfransın bütün gəliri ehtiyacı olan insanlara gedəcək.”
“Çox gözəl təşəbbüs idi. Yüksək səviyyədə təşkilatçılıq və maraqlı leksiyalar. Bir sözlə 👍. Davamlı olsun! Zəhməti olan hər kəsdən Allah razı olsun!”
“Maraqlı, informativ və faydalı bir konfrans təşkil etdiyiniz üçün Sizə təşəkkürümü bildirirəm.”
“Mükəmməl layihə! Rafael Paşayevə və əziyyəti olan bütün “Dayaq Xeyriyyə” əməkdaşlarına dərin təşəkkürümü bildirirəm.”
Stomatoloji dünyamızda yeni düşüncə, yeni bir üslub və niyyət Allah sizə sağlıq və güc versin ki, niyyətinizə çatasınız və davam edəsiniz. Çünki hər kəsə çox faydalı işlər görürsünüz.
Uca Allah günahlarımızı bagışlasın, əməllərimizi bizdən qebul etsin, həm dünyada, həm axirətdə bizə xeyirli nemətler bəxş etsin, amin!
Thank you so very much for sharing this wonderful work, humanitarian help and philosophy with us. God bless you and your team.
Böyük bir işin öhdəsindən gəlmisiniz. Uğurlar sizə və komandanıza.
Gözəl ve möhtəşəm təşəbbüsdür. Hər birinizi tebrik edirem. Uğurlar sizlərə.